१२ मङ्सिर, काठमाडौं । प्रधानमन्त्री पुष्पकमल दाहाल प्रचण्ड आउँदो बुधबार संयुक्त अरब इमिरेट्स यूएई प्रस्थान गर्ने भएका छन् ।
परराष्ट्र मन्त्रालयका अनुसार जलवायु परिवर्तनसम्बन्धी संयुक्त राष्ट्रसंघीय फ्रेमवर्क कन्भेन्सन कोप–२८ को सम्मेलनमा भाग लिन प्रधानमन्त्री प्रचण्ड बुधबार यूएई प्रस्थान गर्ने भएका हुन् ।
यूएईको दुबईमा ३० नोभेम्बरदेखि १२ डिसेम्बरसम्म हुने कोप–२८ को २८औँ सम्मेलन सहभागी हुन प्रधानमन्त्री प्रचण्ड नेपाली प्रतिनिधिमण्डलको नेतृत्व गर्दै त्यसतर्फ जान लागेका हुन् ।
साथै डिसेम्बर १ देखि २ सम्म हुने जलवायु शिखर सम्मेलनको उच्चस्तरीय बैठकमा पनि प्रधानमन्त्री सहभागी हुनेछन् । प्रधानमन्त्री प्रचण्ड १७ मंसिरमा स्वदेश फर्किने छन् ।
योपटक जलवायु परिवर्तनले हिमाली क्षेत्रमा पारेको प्रभाव र त्यसको परिपुरणका लागि तथ्यगत रूपमै बलियो तयारी भएको छ ।
नेपालको तर्फबाट ६ वटा अवधारणा पत्र बनेको छ । यसबारे सारांशमा प्रधानमन्त्रीले ब्रिफिङ गर्नेछन् ।
‘मुख्य एजेण्डा जलवायु परिवर्तनले हिमाललाई पारेको असर सम्बन्धमा छ । नेपाल कार्बन कम उत्सर्जन गर्ने राष्ट्र भएकाले क्षतिपूर्ति दाबी गर्ने, माउन्टेन एजेण्डा लगाएत बिषयलाइ एजेण्डाको रुपमा उठाउने तयारीनेपालले गरेको छ ।
