२ पुस, काठमाण्डौं – व्हाट्सएपले आफ्ना प्रयोगकर्ताहरूका लागि नयाँ अपडेट जारी गरेको छ। व्हाट्सएप प्रयोगकर्ताहरूले अब कुनै पनि च्याट सन्देश पिन गर्न सक्नेछन् । नयाँ अपडेट समूह (ग्रुप) र निजी कुराकानी दुवैको लागि हो, अर्थात्, तपाईंले समूह वा निजी च्याटमा कुनै पनि विशेष सन्देश पिन गर्न सक्नु हुनेछ । व्हाट्सएपले यो नयाँ अपडेट आईओएस र एन्ड्रोइड दुबैका लागि जारी गरेको छ ।
व्हाट्सएपको यो अपडेटको फाइदा यो हुनेछ कि यसको प्रयोगले कुनै विशेष वा महत्त्वपूर्ण म्यासेज खोज्न समय लाग्ने छैन । यस नयाँ अपडेटको बारेमा, व्हाट्सएपले भनेको छ कि कुनै पनि च्याट म्यासेजलाई अधिकतम ३० दिनसम्म पिन गर्न सकिन्छ।
डिफल्ट रूपमा म्यासेज पिन गर्नको लागि समय ७ दिन को हुनेछ र न्यूनतम कुराकानी पिन गर्न सकिने समय २४ घण्टा को हुनेछ। ह्वाट्सएपले स्पष्ट रूपमा भनेको छ कि प्रयोगकर्ताहरूले कुनै पनि च्याटको कुनै सन्देश, पोल, इमोजी आदि पिन गर्न सक्नेछन्।
WhatsApp मा म्यासेज कसरी पिन गर्ने?
- तपाईंले निजी वा समूह च्याटमा पिन गर्न चाहनुभएको म्यासेज सेलेक्ट गर्नुहोस्।
- माथिको थ्री डटमा क्लिक गर्नुहोस र पिन अप्सन देखाउँछ त्यसमा क्लिक गर्नुहोस ।
- त्यस पछी कति समयलाई पिन गर्न खोज्नु भएको हो त्यो छानी पिनमा क्लिक गर्नुहोस् ।
ग्रुपमा पिन सन्देशहरू सम्बन्धी केही शर्तहरू छन्, अर्थात्, समूह च्याटमा, एडमिनले निर्णय गर्नेछ कि कुन सदस्यले सन्देश पिन गर्न सक्षम हुनेछन्। एडमिनले समूहमा पिन च्याट सम्बन्धी सेटिङहरू बनाउन सक्छन्, त्यसपछि मात्र एडमिन वा कुनै सदस्यले च्याट पिन गर्न सक्नेछन्।
