मिति २०८१ साल श्रावण ३१ गते विहिवार नेपाल आउनुभएका विश्व प्रसिद्ध हिन्दुधर्म गुरु १००८ बाबा कालिदास (कालिबाबा) ले भदौ १ गते शनिवार दोलखास्थित परिसुचक भीमेश्वर मन्दिमा विशेष पुजा गर्नुहुने भएको छ ।
उहाँ नेपालमा जन्मनु भएतापनि भारतमा बसोबास गर्दै आउनुभएको छ । नेपाल र भारतका राजनीतिक नेताहरुले उहाँलाई अत्यन्त धेरै सम्मान गर्दै आएका छन् । पशुपति क्षेत्र विकास कोषका सदस्य सचिव डा. मिलनकुमार थापाको विशेष निमन्त्रणामा नेपाल आउनुभएका हिन्दुधर्म गुरु १००८ बाबा कालिदास (कालिबाबा) ले शनिवार अपरान्ह्र परिसुचक भीमेश्वर मन्दिरमा विशेष कोरा क्षमापुजा गर्न लाग्नु भएको भीमेश्वर गुठि व्यवस्थापन समितिका अध्यक्ष भरत श्रेष्ठले बताउनु भयो ।
भीमेश्वर मन्दिरमा पसिना आएको थाहा पाएपछि हिन्दुधर्म गुुरु १००८ बाबा कालिदास (कालिबाबा) ले विश्व शान्तिको कामना गर्दै यहि मिति २०८१ भाद्र ०१ गते शनिवार कोरा क्षमापुजा गर्न लाग्नु भएको तत्कालिन पशुपति विकास काेषका कानूनी सल्लाहकार प्रविण प्रधानले बताउनुभयो । विश्वमा केही अनिष्ट हुँदा भीमेश्वरको शिलामा पसिना आउने जनविश्वास रहँदै आएको छ । विगत विगत वर्षहरूलाइ नियाल्दा परिसुचक दाेलखा भीमेश्वरलाई पसिनाकाे क्रम १९९०, १९९७, २००७, २०११, २०१७, २०१८, २०२८, २०३६, २०४५, २०४६, २०५७, २०६१, २०७०/८/३०, २०७०/११/१३, २०७०/११/१९, २०७८ बैसाख महिना पछि २०८१ साउन ५ गते शनिवार र साउन ९ गते बुधवार भीमेश्वरको शिलामा पटक-पटक पसिना आएको थियो ।
कालिबाबासंग भारतिय जगतगुुरु, सन्तमहात्माहरु र बिशिष्ठ धार्मिक व्यक्तित्वहरु समेत दोलखा आउने प्रधानले बताउनुभयो ।
हिन्दुधर्म गुरु १००८ बाबा कालिदास (कालिबाबा) ले शुक्रवार काठमाडौँको पुशपति नाथ मन्दिर परिसरमा आयोजना भएको महायज्ञमा विशेष प्रवचन दिनु हुने छ भने पशुपति नाथमा विशेष पुजा समेत गर्नुहुने जनाईएको छ ।
साथ साथै भीमेश्वर नगरपालिका वडा नं. २ का वडा अध्यक्ष श्री स्टालिन श्रेष्ठका अनुसार हिन्दुधर्म गुरु १००८ बाबा कालिदास (कालिबाबा) को आगमनले हाम्रो प्राचिन शहर दोलखाली समाज र हाम्रो मनमा विशेष स्थान राख्छ। उहाँकाे शिक्षा, विचार र कार्यशैलीले हामीलाई सँधै प्रेरित गरेको भनाइ साथ स्वागतका लागि तत्पर रहेको भनाइ व्यक्त गर्नुभएको छ ।
