३० असोज २०८१, दोलखा । बुधबार सेयर बजारको परिसूचक नेप्से ४३.२२ अंक (१.६० प्रतिशत) बढेको छ । सो अंकको वृद्धिसँगै नेप्से २७४२ अंकमा कायम भएको छ ।
कारोबारका क्रममा आज बजार अधिकतम २७४८ अंकसम्म पुगेको थियो । त्यस्तै कारोबार रकम पनि बढेको छ । अघिल्लो दिन ३ अर्ब ६ करोडको कारोबार भएकोमा आज ५ अर्ब ६६ करोडको भयो ।
आजका दिन सबै क्षेत्रका सूचक बढेका छन् । व्यापार समूह सबैभन्दा धेरै ३.४४ प्रतिशत बढ्यो भने साल्ट ट्रेडिङको मूल्य ३.८४ प्रतिशतले बढ्दा समग्र समूह उठ्यो । यो समूहमा विशाल बजार र साल्ट ट्रेडिङ गरी दुई कम्पनी मात्रै सूचीकृत छन् । कुल २०६ कम्पनीको मूल्य बढ्दा ३५ को घट्यो भने ३ को स्थिर रह्यो । त्यस्तै विजय लघुवित्तको मूल्य ९.३३%, इस्टर्न हाइड्रोपावरको ९.२४%, समता घरेलु लघुवित्तको ८.६२%, आत्मनिर्भर लघुवित्तको ८.५९%, सगरमाथा जलविद्युतको मूल्य ७.४५% ले बढ्यो ।
त्यस्तै गरी फाइनान्स ०.८६%, होटल तथा पर्यटन १.४९%, बैंकिङ १.९८%, लगानी ०.६९%, विकास बैंक १.८५%, , हाइड्रोपावर २.१३%,जीवन बीमा १.८०%, उत्पादन १.३६%, माइक्रोफाइनान्स १.४८%, निर्जीवन बीमा १.३८% तथा अन्य समूह ०.५७% ले बढे । भने अपर स्याङ्गे हाइड्रोपावरको मूल्य १०% लेघट्यो । मिथिला लघुवित्तको ४.५५%, मिडसोलु हाइड्रोपावरको ५.५४% लेमूल्य घट्यो । कारोबार रकमका आधारमा नेपाल फाइनान्स, हिमालयन रिइन्स्योरेन्स, एनआईसी एसिया बैंक, गुडविल फाइनान्स र एचआईडीसीएल प्रमोटर सेयर क्रमशः अगाडि रहे ।
